感謝各位朋友的熱情分享，今日為大家帶來 Tung Lee 的分享。
自己一個去旅行相信係好多人的夢想，更有人覺得獨自出遊係一生人一定要做一次的事！
Tung Lee 在八月就實現左了，佢選擇左日本東京和名古屋作為佢的出遊地，出走左六日，以下係佢的分享，大家一齊睇下啦！
「分享一下今次既旅行,其實日本的鐵路無想像中咁複雜,只要慢慢睇多幾次就可以,不過入夜後有時果D鐵路站都幾恐怖下,最好就買張西瓜卡旁身坐車都方便D.記住佢地係任何車上都唔可以講電話,如果你熟左鐵路既又可以試下巴士,我見過所有既巴士都係單層,坐位都唔係太多,我個人就唔太喜歡搭巴士,因為係車內實在靜得太過份,好容易訓著飛左站.
日本食野大多都唔係太貴,你肯比千幾yen食已經可以食得好好,同香港唔同既就係佢地D餐唔興跟飲料,所以建議食完出去便利店買野飲抵D.佢地既自動販賣多到你驚,林林總總咩都有得買,用銀仔比又得西瓜咭比又得.最好食既係甜筒販賣機,我開頭以為D甜筒係入面放左咁耐好食極都有限,點知果日係機鋪睇人打高達,買左支藍莓芝士味咬下.一食驚為天人,重即刻嗌左一句好好呀啊!!!!!果種口感唔硬唔軟,味道不柔不剛所謂既平衡就係咁既一回事,果陣藍莓味直入哂中路,就好似比張家輝用上勾拳打中一樣 而且個筒重係脆既添. 我最後食左兩枝藍莓, 一枝雪梨, 一枝桃味真係諗唔到以後無得食點算.
係上網方面我強烈建議大家租個3G,因為用2G睇地圖,根本就唔準.為免大家盪失路都係3G著數.
係景點方面東京站得個靚字,所有野都成個中環咁款,新宿同銀座就比較似尖咀,涉谷就同銅鑼灣差唔多. 池袋就最好行,D野又平又多. 上野就用黎買手信,記住一定要買感冒藥, 因為D藥真係好得,我食左3次就斷左鼻水.
基於niceplay series比我咁參考,我住左係淺草,而淺草真係一個好舒服既地方,又涼又靜,朝中個太陽照落個寺道真係好靚,重有D便利店既便當真係又平又好食,D意粉同出去食既一樣.記住你比錢果陣佢第一句問你既野答係就得,因為佢地通常第一句都問你洗唔洗加熱.
如果大家想搭新幹線去遠D既話,基本上就係東京站買車票,票有兩種一種叫自由票,一種叫指定票而指定票就貴300yen. 自由可以揀位,指定就揀好比你.大家一定心諗我洗鬼比多D錢比你揀位比我.我起初都係咁諗,但一到繁忙時間你想坐都難,因為兩種票係分開車箱.所以咁諗指定票就一定有位,自由票就唔一定有位.
新幹線有分特急同普通,特急就飛左D細站,普通就站站停,視況你想去邊.車站就有便當買,不過一個火車便當等於兩個7仔便當加支野飲,而味道就差唔多叫做有D特色咁,就睇你點揀.新幹線既座位又大又好座.記住要坐自己車箱最後果排,主要因為去廁左方便同有得叉電,淨係呢點你已經要坐後排.我由東京去名古屋,來回用左20014yen,老實講唔平架.
民生方面係日本基本上街上面係無垃圾筒,有既就只有膠瓶回收箱,我試揸住舊紙巾成兩個鐘.而所有便利店門口都有垃圾筒,這是便利店最大既功用.日本其實食煙既人都唔少,不過佢地唔會一路行一路食,只會係指定地方食.同埋佢地太陽幾猛都好,都唔戴太陽眼鏡.
係女仔方面,你地一定心諗個個都白雪雪至少睇電視果D係咁先,事實上佢地D皮膚太部都好陽光,姐係唔白咁解. 我重覺得自己白個佢地.係東京靚女方面就同垃圾筒一樣難揾到死.名古屋就多D白雪雪既靚女,比例重好高添.基本上日本女仔其實好鍾意吹水,我係搭新幹線回程既時候,同坐隔離個女大學生吹水吹足全程用英文.你去到日本你會覺得自己可以教英文. 最後重攞埋facebook添.記住第一句重佢講---殊意咩差 are you are model---用黎打開話題就得,呢招萬試萬靈. 自己一個去旅行都敢,有咩唔敢啊.就係咁多,以上」
仲有好多相，大家可以到facebook睇！
你又有冇心癢癢想一人出遊呢？
唔好意思，想問小田急箱根FREE PASS 同 小田急箱根WEEKDAY PASS 有咩分別?如果我要去箱根強羅同越後湯沢，有冇咩車ga套?thx!
回覆刪除