香港人去（日本）東京自由行攻略篇（19）－必買手信篇－美肌是常識吧－LULULUN MASK

為左答謝大家嘅厚愛，我今日就介紹大家一款女生朋友推廌嘅面膜啦！

女生朋友喺去日本之前已經將LULULUN面膜列入必買嘅LIST當中，話好多日本雜誌都大力推廌！佢買了一大包42片裝番屋企同媽媽一齊扮靚，仲買左啲7片裝嘅番黎送俾朋友呢！

事實上日本而家好興賣啲大包裝嘅MASK，雖然唔係獨立包裝，冇咁方便，但就因為減省左包裝費，價錢相對平左！如果放喺屋企，一家有幾位美女用，大包裝都冇所謂吧！如果唔想咁大包亦有一啲7片裝嘅俾你選擇。

LULULUN MASK 出左四款面膜，藍色係超級保濕，粉紅係美肌款，白色係美白亮澤。仲有一款係銀色基本款。女生朋友買的係粉紅色包裝！

官網圖話左俾你知，藍色嘅黏度最高，保濕度最高。白色係最清爽，有亮澤嘅效果。粉紅色嘅效果就係白同藍色中間。

包裝後面有註明敷10﹣15分鐘就夠架喇！打開包裝望下先！充滿美容液，一張一張疊得好整齊！係完全冇香味嘅，少左香精，應該唔會咁易敏感吧！

面膜好薄一片，有幾薄？ 睇下貼左喺腳上之後好似完全睇唔到咁就知啦！朋友匯報，面膜好易拎出黎，唔會話一拉一片就成疊拉晒出黎咁。而且好貼服，連眼睛都可以貼埋呢！ ＝）

15分鐘後，美容液差唔多都被吸收了！訓左一晚，第二日感覺都唔錯，同有啲亮澤喔！

無論係日本同香港嘅女生朋友都對LULULUN面膜大力推廌，我諗除左因為佢效果唔錯，價錢平（1575YEN，42片，1片先3蚊港幣先左右，朋友話用黎周身敷都抵！）依兩個原因外，好大信心係因為LULULUN面膜係由美容液，面膜紙同鋁質包裝袋都係日本製造架！

保存方法係好多人都會忽略嘅，提醒大家開封後要搵低溫地方儲存，唔好晒住個包裝。仲有要80日內用晒佢呀，放得耐就會乾架喇！

提醒大家，日本有報道說有啲女仔用完後有敏感嘅情況。不過我諗咩牌子都有可能會敏感吧！如果大家擔心買左咁大包之後敏感唔用得嘅話，我建議大家去旅行時可以買包7片裝嘅敷喺手試下先，冇問題先大手入貨啦！＝）

唔知女生喜歡我的介紹嗎？

LULULUN 官網：http://lu3.jp/products

like我的FANPAGE，有new post第一時間通知您！
：http://www.facebook.com/pages/Niceplay-Series-TOKYO/343324265794053