攻略篇（20）－天倫之樂之福地－台場

攻略（20）－跟我去台場吧！

有人會問台場值得去嗎？

我會答似我咁嘅高達迷，加上睇完我介紹1：1高達同高達FRONT東京後，應該就會去吧！

如果你唔係高達迷或者係只想SHOPPING嘅女仔，其實我係唔太建議去台場的。因為台場果個OUTLET唔算大型，而且同行女仔朋友都認為OUTLET唔係真係好平，而且有啲衫褲款式都比較LADY，一心要瘋狂掃平貨嘅女仔，應該會失望了。我的朋友為左覺得冇浪費時間入台場，最終喺100YEN店大買特買。＝＝”

咁我到底介紹台場俾邊個呢？就係一家大小了！台場係個適合親子遊嘅地方。暑假想一家大小出遊東京有咩玩？選一日去台場都係唔錯嘅選擇。唔少日本家庭都會喺週末時帶埋小朋友同寵物去玩呢！

坐上無人架駛列車，可以睇下出面嘅風景！不過依張相影得唔好，請見諒！

落左車之後好快就會見到迷你版嘅自由女神像架喇！好多人都會同佢合照呢！俾個TIPS大家，行得太近係好難影到全景架，不妨企遠啲啦！

臨入商場仲會見到巨形漢堡包添！KUA'AINA BURGER 賣的唔係一般嘅BURGER 而係特大BURGER，分1/3同1/2磅兩類，想挑戰自己胃口嘅人就去試下啦！不過一個套餐要百幾蚊港紙喔，如果已經食飽就唔好去喇，喺出面朝聖就好了！食唔晒就唔抵啦，留番啲銀彈去SHOPPING吧！^ ^

首先介紹的是AQUA CITY， 入面有ABC﹣MART（賣鞋子的連鎖店）， AGNES B，COACH，LE SPORTAC．．．等嘅店鋪，仲有受歡迎的100YEN店－DAISOU，由食物到家品都有，大家可以盡情咁買！提下大家，店內冇寫價錢嘅都係105YEN（稅入），有部分會標住係200YEN架！AQUA CITY仲有一條拉麵街，男士們等等待女將SHOPPING時可以去食番餐呢！

一路行去搵高達，沿路都有好風景，巨型嘅摩天輪好靚呀！有時間的話同一家人又或係愛侶一齊去坐下，由高處睇下台場嘅美麗風光都係一個好選擇！一圈大概要20分鐘。

去到DIVER CITY TOKYO就係開始小朋友嘅勝地喇，入面有卡樂B店，啄木鳥店，OLD NAVY（GAP其下的店鋪），AMERICAN EAGLE，HELLO KITTY......大阪名物都可以喺度搵到！

第三個可以去的商場便是VENUS FORT，VENUS FORT現在仲有免費的懷舊車展，VENUS FORT入面充滿歐陸色彩，而3樓就係VENUS OUTLET 喇，我覺得喺OUTLET最值得睇嘅係LEVIS，對比出面嘅價格後LEVIS 真係算平，仲有一啲可能絕版的褲，好抵架，我買了一條絕版平褲人俾細佬呢！2000YEN！不得了！因為台場太大了，有很多地方都不能在一篇裡全說完，有機會我會遂一商場介紹下去喔！請繼續支持我啦！

VENUS FORT

KUA AINA BURGER： http://www.kua-aina.com/menu
AQUA CITY： http://www.aquacity.jp/ch/top
DIVER CITY：http://www.divercity-tokyo.com/tw/

like我的FANPAGE，有new post第一時間通知您！
：http://www.facebook.com/pages/Niceplay-Series-TOKYO/343324265794053