攻略篇（17）－必買手信篇 －牛奶味好好味，朱古力味無定企－不二家 牛奶妹

正常番喇！介紹多一個個人認為係必買嘅手信先！

食完飯有咩做呢？當然係食飯後甜品啦！

相信今次介紹喺銀座嘅不二家 牛奶妹，女生應該會喜歡吧！

我第一日就帶左同行女生去了同牛奶妹相見喇！銀座嘅不二家一啲都唔難搵，只要出SONY BUILDING 後過對面馬路，就見到牛奶妹已經企定定等緊你架喇！

講聲HELLO啦！

店內各式各樣嘅蛋糕同泡芙都可以搵到牛奶妹嘅蹤影，女仔望見一定會心花怒放！店家好好，會問你幾耐先番到住處，為你準備乾冰，所以如果驚食完飯之後，不二家已經關門嘅話，大家可以買定甜品，請店員為你預備足夠份量嘅乾冰，食飽飯之後先食蛋糕同泡芙，味道完全唔會受到影響架！YUMMY！

下面嘅蛋糕卷入面充滿香滑嘅CREAM，仲有好濃嘅奶味，值得一試！另外，泡芙都有好多味道架！草莓同朱古力味當然唔少不得啦！仲有荳沙飽架！不過唔好彩嘅係啲蛋糕同泡芙都好難帶番香港，唔可以同家人朋友一齊分享。=(

 唔洗唔開心住，我嘅另一推廌係數量限定嘅草莓牛奶糖，係用北海道牛奶整嘅！包裝仲咁靚，連男仔都忍唔住要買黎當手信呀！我去果時見到四五個香港男仔大掃貨呢！

一打開粒糖，一半牛奶味，一半草莓味，唔會太甜！而且真係好香！連唔好甜食嘅爸爸都覺得好味，相信有啲說服力吧！

除左蛋糕同泡芙之外，仲有其他鐵罐裝嘅傳統牛奶糖同牛奶妹嘅精品！筆，信紙，公仔等最啱送俾小朋友！杯碟，匙羹，仲有牛奶妹圍裙就啱晒買黎送俾媽咪或者朋友！有時仲會推出期間限定嘅精品同消費滿等定價錢有時會有禮物架！去開銀座嘅就一定要去睇下喇！＝）

另外，超級牛奶妹迷同女仔們要注意喇！銀座嘅不二家係有兩層的！地下賣蛋糕同糖！二樓係餐廳黎架！有洋食，即係意大利粉同漢堡扒果類食物，頭先上網發現，6/6 - 10/7有期間限定MENU呀！除左主食，二樓仲有精緻嘅蛋糕食架，吸引唔少女仔去架！如果一班女仔一齊喺銀座行街行到攰，都可以考慮去食番件蛋糕，RELAX下！

不二家官網：http://www.fujiya-peko.co.jp/index.html

like我的FANPAGE，有new post第一時間通知您！
：http://www.facebook.com/pages/Niceplay-Series-TOKYO/343324265794053