攻略篇（7）﹣ BlueWave Inn Asakusa

攻略（7）－跟我去睇blue wave inn吧！

見有人問就詳細啲介紹BLUEWAVE啦！希望幫到大家！

我今次住的係BlueWave Inn Asakusa http://www.orixhotels.jp/tw/bw/hotels/asakusa/index.html ，都算係近地鐵站嘅酒店，由地鐵站大概行10分鐘左右就會到。而且酒店就在大街，松屋淺草左手邊一直行5-10分鐘到就會見到super hotel 同 BlueWave架喇！兩間酒店好近架咋！

記住靠左行

一入酒店，職員已經好有禮貌咁同我打招呼，check in 時要填一張簡單嘅入宿表，有英文的，唔洗擔心睇唔明日文！拎左room key就可以上房喇！=)

上回都講過酒店 “麻雀雖小 五臟俱全” ！基本嘅浴室用品﹕衣架、沖涼+洗面毛巾、風筒、沖涼液、洗頭水、護髮素、梳、牙刷、肥皂同和式浴衣（大家可以穿黎過下引 ＝P），樣樣一應俱全。

另外，房內有sony電視、小雪櫃、一部可以夾乾衫褲嘅機、全身鏡、長鏡、水壺同免費茶包！

沖涼液，洗頭水同護髮素都係一大支，唔洗驚一個用完之後冇晒！

東京寸金尺土，所以除非你俾好高價錢去住Hyatt果類貴價酒店，否則一般港人常聽的新宿vintage......等嘅酒店都係咁細細間，但要記住去東京就係要出街玩而唔係留喺酒店享受設施，所以本人覺得只要乾淨整齊就好了！

順帶一提，酒店房間內冇提供保險箱，但可以在前枱要求職員幫你keep野的，佢會喺你面前貼封條，之後俾番收據你等你走時可以拎番啲野，記住唔好唔見張收條就得架喇！

另外，你亦可以要求酒店代寄postcard，係唔洗收extra charge的！

臨走果晚執行李時可以同酒店借磅黎磅下個喼，記住唔好超重呀！

最後，酒店的check in時間係15：00，而 check out時間係10：00，如果你早左到又或係下午／夜晚機唔想拉住啲行李去最後衝次，大可以要求酒店代為存放行李，職員好樂意為你效勞架！

like我的FANPAGE，有new post第一時間通知您！
：http://www.facebook.com/pages/Niceplay-Series-TOKYO/343324265794053