放下攻略。純為分享。的5天4夜－東京－1日吃了5餐的美食遊記外傳 DAY1 PART3

忘了跟大家說，其實我一直背住五公斤的補給品（給友人的香港手信）和友人在銀座漫遊。如果朋友放我飛機或者wtsapp我今天不到的話，我大概會先吃掉我背上的蛋捲，可樂糖，午餐肉，粽，羅拔臣減低我的負荷。

幸好個幾鐘頭後，好耐冇見的朋友終於放工飛奔黎喇! 她和友人先來個熱情的擁抱後，就出發去是日餐廳，醫肚同話當年了! 由不二家出發，都不用五分鐘就到左我地開餐嘅地方喇!

我地到底去左邊? 有睇開我地個BLOG的朋友應該好易估到吧!銀座鳥銀是也。不懂的快看我的BLOG。

以為我地七點幾到應該唔洗等位，點知原來咁多人都識食（應該有百分之零點零一的功勞是我的），我地要等添，都唔緊要啦，可以一路傾計一路等。其他食客都開始喺我地的身後排起隊了，唔知係咪人數的關係我們後面的一對食客竟然比我們先入餐廳（在香港是常識吧），佢地兩個好唔好意思咁不停同我地道歉，仲唔敢入去坐。

香港朋友覺得佢地兩個好似傻左咁，店家叫佢地都唔入去坐，我想大家都會好似我朋友咁諗吧! 但係佢地唔敢入去係有原因架! 除左話佢地傻，仲有咩解釋呢?! 就係因為在日本人眼中，先到的人就應該先入店中，如果遲去但先入的人會被視為打尖架! (覺得自己好似老師添，又係咁自問自答! ) 又係一個同香港唔同的地方呢!

終於入到鳥銀喇!!!久違的串燒味呀!!! 香港朋友問餐牌寫咩，有咩好食! 我通常都唔會諗，直接叫一個SET再加釜飯，等我可以回味一下正宗的日本味! 叫完野食先諗起唔得左講汁燒定鹽燒
添，算啦，等廚師幫我決定吧啦!

野飲先上枱，無酒精啤酒的色同普通啤酒無咩分別，即刻試埋個味先! 連味都完全冇分別架! 但係朋友潑我冷水，無酒仲算咩啤酒呢?! 我只好話我輸了! 話明係酒，點知係無酒精的，應該唔可以話係酒吧! 咁我話係啤酒味的果汁得喇卦!!!(有啲激動) 如果我唔係食左藥，我先唔會飲佢，哼!

美食陸續上枱了，我地即係變得安靜，因為個口唔得閒講野啦! 鳥銀真係食幾多次都咁好味! 一枱食物，一陣就被我地消化晒了! 追加order當然唔少得啦! 等待食物時，又係把酒談歡的時
候喇 (我就把果汁談歡)!

這時見到隔離枱來了4位外國人，佢地睇住英文餐牌，係咁點係咁點，佢地單點唔叫SET，但就咩都係叫每人兩三串，外加真正的啤酒! 天呀! 好想偷影佢地張枱呢! 佢地為我地示範左咩叫放到一枱都係的畫面! 以為我地將個人的消化力已經好好，點知原來我地只係初級版。

歡樂的時間過得特別快，食飽就去左附近的百貨行街，超級市場係最令人開心的地方(哈哈，我真的很貪吃吧!) 因為朋友明天要番工的關係，十點就散水了!

番到淺草睇下淺草的夜景，又行下FAMILY MART同MC DONALD睇定宵夜食咩嘛! 一日到黑都食食食! 喺房再睇下日本的綜藝節目，咁就完左一日了!

DAY2又有咩趣事? 你等下咪知囉!期待嗎？

DAY1完~

like我的FANPAGE，有new post第一時間通知您！
：http://www.facebook.com/pages/Niceplay-Series-TOKYO/343324265794053