攻略篇（26）﹣新的拉麵食法﹣跟我食麵屋武藏二天的沾麵吧！

大家有冇發現版面不同了呢？

我今天在學怎樣把這個BLOG整得美觀一點，技術尚淺希望大家多多指教呀！

答應了大家的沾麵推介終於要來了！！！

「つけ麺」即係中文的「沾麵」，食法係將麵條沾較濃的湯吃，而唔係一般把麵條浸在湯中的拉麵食法！而且沾麵的麵條會比一般湯拉麵麵條粗身。沾麵仲可以分熱食同冷食的！

沾麵的做法是將麵條煮熟後，快速地反覆過冷河，再將水大力甩乾，然後送上一碗香濃的熱湯，讓食客好似食蕎麥麵咁把麵沾入湯中來吃！咁樣唔單止可以令麵條保持彈牙，仲可以避免了食拉麵食到最後，麵條變糊的情況！

麵屋武藏二天係食沾麵一個唔錯的選擇！麵屋武藏在東京有不少分店，每間分店都有別名！麵屋武藏都係採用自助販票機的方式點餐，有圖幫助說明，不難用的！當日晚上九點多先在池袋血拼完，好彩都仲有得食！重點是不用排隊！！店內只有不到二十個位子，很多時候都要排隊的！

買了食劵，坐好了之後，會有店員送上冰水同問你麵量要多定一般份量，價錢係一樣的。提提大家，沾麵的份量會比一般拉麵多，女士可能連普通份量都食唔晒，男士自覺係大胃王的話可以試下多麵量嘅。五分鐘到就有得食喇！不過因為座位離煮麵司傅較遠，影唔到煮麵的過程呢！

半熟蛋係要加錢先有的！湯有分濃味同淡味，配的係炸雞同豬扒，而且連雞的份量都好大呢！

要注意沾麵的湯通常比較濃味，怕鹹的朋友可以選淡味啲的，又或輕輕試一啖湯後請店員加啲清湯比你！雖然話湯會比較濃，但一啲都唔係味精的感覺架！

好長氣添，仲有野要提大家，食沾麵都大口大口地吃吧！因為湯一冷了就不好吃了！真的吃得慢，但湯又涼了的話，可以試試請店員換一碗湯給你，我見有人會咁做的！問題唔大的！

最後，剩下的湯可以用黎進行最後一個步驟，就係「湯割」的步驟喇！即注入清湯或煮完麵的水的步驟，是日本人吃沾麵一個重要的環節。加入的湯或水一定要夠熱，混落原本凍左的湯中，飲下去先夠好味！記住唔好漏左依個步驟啊！

池袋店在巷子的頭，好易見到！

like我的FANPAGE，有new post第一時間通知您！
：http://www.facebook.com/pages/Niceplay-Series-TOKYO/343324265794053