攻略篇（11）－必吃食肆－現在日本排名頭三的終極拉麵！一蘭拉麵！

攻略（11）－ 跟我吃一蘭吧！

朝早出左去，而家先得閒post新文章，要大家久等喇！

去到日本唔食拉麵真係唔係幾得！講到拉麵唔知大家食過邊啲覺得非食不可呢？！

我啲朋友一知我準備番日本時，即係大力推薦我去食一蘭拉面！佢話佢地5日食左4次！我一聽都得好誇張，但係食完之後就好想大叫大一句「跟我去食一蘭吧！」

一蘭拉麵係喺昭和三十五年沿於九州福岡的，已經超過五十年歷史架喇！而家佢喺日本好多地方都有分店，我諗除左味道之外，一蘭最吸引遊客嘅就係佢好多分店都係24小時營業的！旅客大可以放心咁喺百貨公司血拼到最後一刻，之後先再去享受美味的晚餐！

一蘭仲有咩特點？有冇聽過一蘭拉面自修室呢？！原來一蘭一格一格獨立嘅坐位叫「味集中個室」係申請左專利架！目的係為左令食客可以更專心咁品嚐佢嘅拉面。

店內一角

事不宜遲，快啲一齊睇下點餐嘅過程同一蘭拉面到底係咩樣架啦！

首先食客要自己喺門口嘅自動食劵販賣機度選擇自己想食嘅麵，之後睇下空位表又或者等店員帶你入去就得架喇！

唔記得影低，依張圖上網借的！

一般麵量就790YEN！可以叫住依個份量試下先，啱口味再追加麵底！玉子，紫菜可以喺機買，入左去再追加都得！＝）

第二步！填好上面張表格！選擇自己口味嘅拉面！唔識睇日文都唔緊要，可以參考下表，亦可以問店員拎中文同英文表格架！填好晒就可以按鐘等店員黎收表格同食劵，5分鐘都唔洗就有得食架喇！

味的濃度	清淡		普通				厚重
濃厚度	冇	清爽		普通		濃厚		超濃厚
香蒜	冇	少許		普通 1/4片		半片		一片
蔥	冇		白蔥				青蔥
叉燒	不要				要
特製調味汁	冇	1／2 倍		普通		加2倍		加（ ）倍
麵條的硬度	特硬	比較硬		普通		比較軟		特軟

上面張相由左起 黑酢（50YEN）/ 加半個麵底 （100YEN）/ 加一個麵底（160YEN）/ 解膩的茶（200YEN）/ 加兩片大蒜（100YEN）

另外加半熟蛋都係100YEN，仲會附上一包幼鹽。好好味呢！建議先吃蛋後吃麵！蛋有重洗味覺的效果。

登登登登！木窗一拉開，終於大得食了！先大力索一啖麵嘅香氣，飲一啖湯頭，之後就撈埋紅色醬汁，大啖食麵lu！紅色醬汁係一蘭用超過30種材料調製的！配埋豬骨湯底，青蔥同薄薄嘅半肥瘦叉燒，真係冇得彈！

食拉麵一定要豪邁咁大啖大啖食，顧住型象就冇咁好食架喇！＝P

最後就要飲埋啲湯！唔洗5分鐘，一碗美味嘅拉麵就入晒我個肚度喇！我好有意欲再追加麵底，不過為左食更多唔同店家嘅美食，我只好暫時先忍口！＞＿＜

提提大家，如果你好鐘意好鐘意一蘭嘅話可以買番包麵條禮盒番屋企回味下！不過有個好消息話埋俾大家知，一蘭會喺七月喺香港開店呀！！！！！！唔去日本嘅朋友都可以食到喇！唔知香港店係咪一樣令人回味呢？！ 大家一齊期待啦！＝）

店內的裝修好古色古香！

 一蘭官網：http://www.ichiran.co.jp/english/index.html

like我的FANPAGE，有new post第一時間通知您！
：http://www.facebook.com/pages/Niceplay-Series-TOKYO/343324265794053