攻略篇（9）－ 我們令日本人嚇一跳的行為篇

攻略（9）－ 盡可能不要這樣做吧！

早晨！大家尋晚好訓嗎？有冇開始夢見日本嘅美食呢！今日先講下去日本有咩得意位要注意啦，大家一齊做個受歡迎（唔被人怒目而視）嘅旅客。

文化差異1 － 請不要踢拖吧！

在香港又或去東南亞旅行，好多人都鐘意著拖鞋，因為著拖鞋又舒服，又都唔洗驚行左一日腳臭！在日本，好多香港人都喜歡

踢拖行新宿，淺草，秋葉原。

但係原來日本人係唔鐘意人著拖鞋出街的！佢地認為咁係冇禮貌嘅行為！想當年我同啊婆講話要

踢拖落街，真的被人話到七彩。

不過你見到啲人著木屐都要有對白襪就知到是甚麼的一回事！

雖然你嘅gel甲可能整得好靚，但係為免人人望住你對腳，又或者係一啲食店唔俾你入去嘆美食，

唔想成日感受到日本

人強烈的視線的話，

都係著番對鞋好啲喇！

不過夏天到了，涼鞋就冇問題嘅。

文化差異2 － 搭地鐵時，到底食唔食得同飲得？不過要震機保持電話安靜！

我當然不是鼓勵大家在日本地下鐵吃東西啦，不過你吃少少野，我個人是覺得OK。不過千萬不要吃炒麵等好大陣味的東西，主要重點是不要影響到其他人，當你自己在香港地鐵便OK。不過唔知大家去日本旅遊時有冇覺得日本嘅地鐵好靜呢？大家通常都低頭睇書又或者玩下電話咁，即使一堆朋友一齊都好少會一齊傾計，究竟點解呢？

原來喺日本大家都認為在地鐵應該保持安靜，手提電話會調去震機或靜音，如非必要都唔會講電話！同樣地，就算一班朋友一齊都好少會高談闊論。因此，日本人好多時都會帶本書喺坐車時睇，又或者戴上耳筒睇下片 / 玩下PSP咁，唔係你又會發現自己俾好多對熱情的眼望住架喇！

當然都唔係所有人都咁靜嘅，中學生通常情緒比較高漲，間中都會聽到佢地喺地鐵細聲講大聲笑咁！

文化差異3 － 試身要穿著衫試是常識吧？

我地平時買衫時都會試身，當然喺日本都有依個服務啦！不過大家要注意好多時店員都會叫你唔好脫下自己本來件衫，直接套你要想嘅衫喺面就好了！即使係大型商店都係一樣，我果次去Beams就係咁。當然如果女士要試貼身衣物就唔同啦，不過內褲唔洗講。。。都知一定冇得試！

文化差異4 － 著鞋唔著襪，弄出個大頭佛！

有啲人鐘意著鞋唔著襪，方便麻，我都明既。不過去日本旅行時，有時會好麻煩。因為如果你去一啲和室食店時，好多時都要脫鞋架。雖然部分食店會有拖鞋俾你，但有啲係冇架，當要脫鞋、冇拖鞋而你又冇著襪時，就唔係幾好啦！有時候你又驚拖鞋唔乾淨，他又驚你赤腳四圍走，而且日本人好注重個人衞生，都是著襪吧！

文化差異5 － 穿背心被人望到倦！

雖然而家日本二十幾度都挺熱，但日本女士認為現在還不是背心的時候。我不知道是fashion還是在日本人是比較耐熱吧，穿背心會整天遭人注視是真的啦，那到底穿不穿背心就看你個人性格啦。不知道七月會不會好一點呢？

以上都是我的個人意見啦，信不信隨您吧，哈哈。

我今天會多打一篇，有request嗎？幫我讓更多人看見這個blog可以嗎？

like我的FANPAGE，有new post第一時間通知您！
：http://www.facebook.com/pages/Niceplay-Series-TOKYO/343324265794053