攻略篇（21）－大飽口福必到地－築地市場

攻略（21）- 跟我去食壽司吧！

依排朋友喺香港約我出去食飯，朋友話想食壽司，通通都俾我一口拒絕了！

 點解？因為每次番完家鄉我都會覺得香港嘅日本野唔好味！我初黎香港時，出街一定唔會食日本野，因為覺得啲野食同家鄉果啲唔同味，唔夠地道。不過，耐左之後就唯有屈服，間中都會食下，唔係成日都番日本，所以唯有喺香港食下，釣下引。

今日想介紹大家去築地市場，這裡係香港人去東京必去嘅地方吧！築地係我喺日本聽到最多廣東話嘅地方呢，可見香港人有幾熱愛壽司！

 俾個貼士大家，如果要去築地就最好九點半前好去到喇，一遲就要浪費時間排隊架喇！一早以鮮味嘅壽司作為早餐／午餐，之後去血拼先有體力加嘛！

 又黎另一個貼士喇，築地分左場內同場外，兩個部分架！如果你由新宿果邊坐車去，場外嘅入口會近啲。如果你喺淺草果邊去，場內嘅入口會近啲。場外多數係小食同買手信，都會有啲食店。而場內就係食店多，建議大家想食壽司嘅話就先入場內果邊，食飽先再出去場外食小食同選手信！

壽司大、大和壽司，依啲店名大家都應該聽過啦！大家亦都唔洗驚搵唔到佢地喺邊，因為佢地門口永遠都有長長嘅人龍，連帶旁邊嘅食店都滿晒人架！壽司大同大和壽司的確係好食，但佢平均一個人要3500YEN。咁如果你係學生，又或者一家大細一齊去，想試下食最新鮮嘅壽司，但又唔想太貴嘅話，可以留意入啲嘅鋪頭，早嘅話會有數量限定嘅特價SET，但絕不欺場架！

我去果日為左把握時間食完去玩，就諗住同朋友隨便選左一間唔洗排隊嘅入。一開始時見到一間，想行完一個圈睇下有冇其他平嘅特價SET先，點知番轉頭連一開始選定嘅店都有四五人排隊了，我地都即係唔敢再行，乖乖咁排隊。

終於有得入去喇，叫左兩個特價SET 2100YEN，日本朋友叫左個海鮮丼2500YEN。記住如果唔要WASABI要落單時講埋呀，因為日本師傅整壽司時會加埋入去架！一叫完熱茶即係奉上，八爪魚杯好精緻呢！仲有用蝦殼、蝦頭熬嘅湯，鮮甜到爆！

喺築地食壽司除左係味覺嘅享受之外，仲有視覺嘅享受。望住師傅喺自己面前將壽司整好，真係好滿足。

食吃食喇！ 12件壽司加玉子燒，真係冇得彈！鰻魚、三文魚籽、海膽、甜蝦、魷魚、吞拿魚……都係港人最喜歡嘅！

同加映朋友嘅海鮮丼！其實同特價SET係一樣的，只係壽司飯變左紫菜飯！但就貴左400YEN喇！

食完之後11點左右，發現食店門外排隊排到轉左彎！所以都係果句，早啲出門去食好野喇！我食左依間！

食飽就當然要去買手信同繼續食小食啦！建議大家買手信喺場內果邊買，因為我地發現場外較貴呀！

到小食時間喇！紀文都幾出名架！有肚就試下啦！我地食左竹輪！好熱呢！

一行可以食到大蝦呀帶子呀咁，仲有生蠔添！即開即食！我地冇食不過聽到好多港人都話正呢！

玉子燒係一定唔少得的！我地食左兩間，一間提供甜同少甜味，各有特色！少甜嘅配蘿白蓉冇咁膩，甜嘅就配甜鼓油！一支只係100YEN，大家不妨試試丫！



另外一間提供只原味，仲有得睇老闆點整玉子燒架！好多人都好好奇咁睇！

希望大家鐘意這次我嘅分享！

like我的FANPAGE，有new post第一時間通知您！

：http://www.facebook.com/pages/Niceplay-Series-TOKYO/343324265794053